Þetta bloggleysi hjá mér er að verða
til hálfgerðar skammar … en ég verð að viðurkenna að hugur minn hefur verið
annarsstaðar og ég gleymdi tilvist þessarar síðu um stund… henni skaut þó uppí
kollinn á mér núna.
Síðustu dagar hafa snúist um lærdóm …
og næstu dagar munu gera það líka en tvær ritgerðir afhendist í næstu
viku. Hvílíkur léttir sem þeir dagar
verða.
Annars er ég að einbeita mér að
hollustunni líka… ætlunin er að losa mig við frampartana svona áður en sumarið
gengur í garð. Hef nú verið dugleg að
hreyfa mig sl. ár og mun halda því áfram , svo er það bara matarræðið og það að
skipuleggja sig sem þarf að taka föstum taumum.
Guð hjálpi mér hvernig það á eftir að ganga í prófatíð !
Bjó
til svona fína matardagbók … bara fyrir sjálfan mig samt, ég vil nú ekki þurfa
að skrifa neinn óþverra í hana !
Bakaði tonn af sætum kartöflum í gær,
er búin að gera það sama með kjúkling… svo bara hendi ég þessu öllu inní frysti
og tek út þegar mér hentar (skipulag sko) .. markmiðið er að reyna að eiga
alltaf eitthvað hollt og gott til í matinn, þá er engin hætta á því að maður
fái sér eitthvað annað óhollara eða jafnvel ekki neitt ! … það er nefninlega
hægt að frysta allan andskotann.
Tók svo með mér súperhollt nesti í
skólann í dag…. Mæli samt ekki með að taka með sér kotasælu svona í dollunni,
kotasælusafinn mun koma til með að fara út um allt, ekki gaman.
-gréta
No comments:
Post a Comment